Börn úr Jörfa sem fædd eru árin 2006 og 2007 hafa verið að vinna verkefni í samstarfi við Tónskóla Sigursveins D. Kristinssonar. Þau hafa æft nokkur lög við texta eftir Ómar Ragnarsson og enduðu á því að fara í heimsóknir í Tónskólann í Hraunbergi á föstudaginn og í dag (mánudag).  Þar sugnu þau lögin við undirleik ungra hljófæraleikara sem léku á fiðlur, þverflautur, klarinett, píanó, trompet og slagverk. Eftir sönginn fengu þau að prófa hljóðfærin. Þetta var mjög skemmtilegt verkefni sem veitti börnunum nýja sýn.

Í tilefni af konudeginum buðu börnin í Jörfa til konukaffis á föstudaginn var.

Þau buðu til sín kvenkyns fjölskyldumeðlimum og var aldursbil gesta breitt og fjölskyldutengslin margskonar. Börnin höfðu bakað brauðbollur fyrir þetta morgunkaffi og buðu upp á þær ásamt áleggi og drykkjum. Þetta var mjög hugguleg stund sem allir nutu vel.

Í tilefni af degi leikskólans þann 6. febrúar auglýsti Kynningarnefnd Félags leikskólakennara og Félags stjórnenda í leikskólum eftir myndbandsupptökum þar sem leikskólabörn segðu frá því af hverju þau eru í leikskóla og fleiru.

Þar sem þetta eru spurningar sem við leggjum oft fyrir börnin í Jörfa til þess að meta starfið okkar þá var lítið mál fyrir okkur að taka þátt og við sendum inn svör nokkurra barna hér í Jörfa. Kynningarnefndin klippti svo saman þau myndbönd sem bárust og nú er útkoman komin á netið. Kynningarmyndbandið er hægt að sjá hér.

Í dag var vasaljósadagur í Jörfa. Börnin máttu koma með vasaljós og það var leikið með þau í skammdeginu. Sögnfundurinn í morgun einkenndist af vasaljósum og þau voru hreyfð með tónlist sem var spiluð og sungin.